Jeffrey魏浚笙未敢拍內衣廣告，自言驚「武器」嚇親人。 (娛樂組攝)
魏浚笙（Jeffrey）到銅鑼灣出席香港國際時尚匯展CENTRESTAGE記招。他表示很喜歡今日設計師安排的打扮，自言fashion sense分數得「6、7分」，但愛試不同的造型。
問到會否挑戰透視裝，他說：「我OK！夠靚就得，敢襯就有信心出嚟！」至於何時見到他拍內衣廣告，他表示曾有品牌接洽，但最後婉拒。他說：「我想留返多啲俾電影，大家多多支持《浪花男女》，有肉體睇！我覺得廣告睇咗，到電影就無個新鮮感。（定係價錢唔啱？）其一啦！哈哈！其二係呢啲好稀有，唔可以做好多，諗真啲先啦！」當問到是否太勁驚睇蝕，他笑謂「太犀利都係其一嘅！哈哈！有時個兵器太勁，費事拎出嚟貢獻！要收番！」
魏浚笙、VIVA等現身銅鑼灣，出席香港國際時尚匯展CENTRESTAGE記招。 (娛樂組攝)
早前有網民把他的頭像移花接木到陳志雲女裝打扮造型身上，Jeffrey表示有留意覺得好笑，「我覺得每個人衣着最緊要舒服同信心，唔使理其他人，開心就得！」提到近日頻頻出席活動的他被指賺不少時，他笑謂最近搞專輯，如果有「賺少少」活動便會出席。他指專輯會有十首歌，賺到的收入未必夠用，所以要好好管理財務。
魏浚笙為出碟努力撲水。 (娛樂組攝)