吳兆麟在無綫處境劇《愛‧回家之三代同糖》飾演「公關界鴨王」范特西。
無綫處境劇《愛‧回家之三代同糖》，昨晚（21日）一集焦點，是由吳兆麟Alan飾演的新角色「公關界鴨王」范特西。劇情講述范特西與張太（吳沚默飾）傾談合作期間，遭對方「鹹豬手」兼被誣蔑非禮；為保清白，范特西在只穿著孖煙囪情況下「落荒而逃」，最終以露體狂罪名被捕。楊帆（趙浚承飾）在范特栖最落魄之時伸出援手，最終成功吸納范特西成為得力助手。
本身零跳舞底子
昨晚一集吳兆麟Alan的演出相當吸睛，無論是遭吳沚默「生擒」剝褲、或是著住孖煙囪通街跑均相當爆笑！為了配合劇中「公關界鴨王」人設，Alan昨晚不斷大晒巨胸、6塊朱古力腹肌及超級麒麟臂，身形弗到漏油，成功引發熱話。由於Alan先後在劇集《婚後事》及《三代同糖》中大晒舞藝，又曾在綜藝節目《福祿壽訓練學院》中大跳勁舞，代表作品有打大赤肋扮郭富城跳唱《第四晚心情》、及腳踏高踭鞋跳唱Britney Spears名曲《Baby One More Time》，有網民更搞笑封他為「TVB舞男擔當」！
談到最新封號，Alan笑言並不介意，並透露自己本身零跳舞底子，全因《婚後事》演出要上網睇YouTube自學拉丁舞而慢慢培養出相關興趣：「之後我開始學跳唔同嘅舞種，直到《福祿壽》公司安排咗排舞老師畀我，令我有咗好好嘅機會去練習更多。監製Marco都係因為睇咗我喺《婚後事》同《福祿壽》嘅演出，安排咗呢場跳舞戲俾我，好多謝佢。」
一年拍攝大量短劇
談到巨胸及朱古力腹肌成焦點，5歲時已開始學習跆拳道，並曾勇奪廣東省第一名的Alan，笑言由於跆拳道核心練習比較多，故13、14歲已發現自己有腹肌。但為保持身段，Alan後天還是付出了高強度的努力：「盡量少食碳水，食多啲靚嘅蛋白質同蔬菜，同埋一星期平均都要操四至五日，同埋要戒糖。」問到著住孖煙囪鬧市通街跑拍戲幕後趣事，Alan笑言成件事真係好癲：「可以話係有史以嚟喺TVB最艱巨嘅任務。拍嗰時我都擔心好多人，好彩係夜晚九點幾嘅觀塘，好多人都收晒工，但因為我哋喺酒店隔籬拍，所以都有唔少內地遊客喺度，可能佢哋嚟到香港第一件事，就係見到我裸跑，所以真係唔好意思，為避免尷尬，我未埋位前都會用浴袍遮住自己。」雖然有心理負擔，但Alan透露一正式Roll機已完全沒有怕醜感覺，並大讚香港街道夠乾淨：「因為拍戲吖嘛，就係容許我做啲咁癲嘅嘢！同埋想講香港地下好乾淨，因為當時我係冇著鞋跑嘅。」
與Alan合作拍床戲旳吳沚默，受訪時透露Alan近年在內地橫店工作暴增，於短短一年內拍攝了大量短劇作品。求證Alan時，他笑言過去一年在橫店的狀態，是沉浸式跑通告：「只要唔係拍緊戲，我就會周圍遞資料試鏡。（一年入面拍咗幾多部？）大概拍咗20部短劇，兩部電影同埋一部電視劇。」翻查資料，Alan過去一年大部分短劇都是擔任男一，相當厲害！
ADVERTISEMENT
