譚詠麟生日與fans一齊慶祝。
譚詠麟(校長)將於下月到紅館舉行《譚詠麟與您「刻骨銘心」世界巡迴演唱會-終極篇》香港首站。主辦方為演唱會精心打造，一座位於尖沙咀星光大道獨一無二的玻璃屋，專售「刻骨銘心」的演唱會週邊商品。
譚詠麟昨日到玻璃屋主持開幕儀式，其國際歌迷會代表除了送上鮮花給偶像送上祝福，校長收到大表興奮，「啲花好靚呀！多謝晒！」大會再送上校長最愛吃的拿破倫蛋糕，校長聽着歌迷大唱生日歌同時開心切蛋糕慶祝，氣氛相當熱鬧。校長走到歌迷身邊，收到不少生日禮物，還收到不少利是，他笑言：「這個祝福最實際！生日願望就是世界和平！大家要更愛護環境。」
問到校長最刻骨銘心的演唱會，校長坦言一定是1994年4月在大球場舉行的《94純金曲演唱會》，「應該都係細細聲演唱會，因為當時就算歌迷聽得唔清楚，都一樣喺度食嘢自得其樂，所以真係好難忘。」至於最能代表今次演唱會歌曲，校長謂必定揀《我在意》，他還即場問現場歌迷，「你哋係咪都識唱啦！應該比我仲熟喎！」
譚詠麟跟在場的fans打招呼。
他提到為了個唱努力減磅，早前瘦了17磅，有朋友著他不要減得太急，加上又出席一些聚會，所以又長多幾磅，距離目標仍有5磅。他表示只要努力跑步應該很快達標，並透露為了個唱推掉了三十幾個聚會，笑言得失了很多朋友。至於生日願望除了是世界和平及環境保護外，有沒有其他願望，包括盡快飲新抱茶，他直認囝囝正在拍拖中，也有見過囝囝的另一半，更大讚對方不錯。
譚詠麟不忘呼籲fans勿買黃牛。
ADVERTISEMENT
