敖嘉年不捨恩師離世
香港七十年代著名武打影星陳觀泰今日（2日）傳出死訊。資深傳媒人汪曼玲在社交平台證實陳觀泰因腦溢血於今日清晨5時，心臟第二次驟停，搶救無效，享年80歲。其死訊亦由徒弟向同期邵氏朋友證實。
師徒生日差一天
陳觀泰最廣為人知的徒弟是敖嘉年，他回覆傳媒表示每年師傅生日都有祝他生日快樂：「不過都真係好多年冇見面，只係每逢佢生日留短訊，祝佢生日快樂身體健康，因為佢係9月25號，我係9月26號。自從佢好多年前定居內地，真係好多年冇見。同埋唯一一套電影同佢一齊拍《真假鐵馬騮》，真係做兩師徒，佢喺我心目中係一個好幽默嘅師傅，成日搞笑。當然啦會講返好多當年佢拍戲嘅經歷，特別係邵氏電影年代嘅事，因為佢哋嗰時拍戲好辛苦，冇冷氣又要打，所以真係辛苦過我哋好多。希望佢往生淨土。」
撐愛徒被逐出師門
敖嘉年於2010年離棄跟隨7年的師父冼灝英，轉投陳觀泰門下繼續學「大聖劈掛門」，因一門拜二師，傳被人出手教訓，敖嘉年被酒杯擲傷眉骨送院縫針。陳觀泰公開力撐愛徒敖嘉年，但也因「收同門師弟之徒」被當時掌門人陳秀中指摘不尊師重道，甚至一度被逐出師門。
ADVERTISEMENT
【👇送皇玥中秋月餅👇】
