玄戰｜李龍基最新感情狀況！麥玲玲批桃花不斷女友愈搵愈後生

香港電視史上首個帶有直播元素、由洪永城、陳懿德、甄敏芳主持、堪輿學家陳定幫擔任顧問主持的玄學競賽節目《玄戰》昨日一集請來李龍基做嘉賓。4位黑先知在還未得知嘉賓身份情況下、盲測推算嘉賓過去的婚姻狀況。其中一位黑先知阿John精準地推選出李龍基曾有過兩次婚姻、目前單身、另一半性格強勢，兼命主用情深，令李龍基大為驚艷，對阿John讚不絕口，李龍基：「『用情好深』呢句講得好準！」陳定幫亦開口認定John功力：「John同我睇到嘅紫薇斗數應該係一模一樣嘅。」

評審麥玲玲師傅及陳定幫，節目期間亦有加入戰團點評李龍基桃花運，玲玲師傅指李龍基命帶「滾浪桃花」、一生桃花不斷，玲玲師傅：「佢搵啲人（女朋友）愈嚟愈後生架，佢呢個命簡單嚟講文就係桃花不斷」洪永城聞言即追問李龍基「滾浪有幾誇張」，李龍基搞笑回應：「總之滾滾滾啦！」陳定幫則批算李龍基2027及28年均有桃花，只是27年遇上的桃花有瑕疵，需要注意。