陳美濤穿婚紗行騷雲嫁人衝動自爆後悔食咗叉燒飯

香港高級訂製帽飾品牌Imellda Ho Millinery近日舉行時裝展，邀請了2024年亞洲小姐三料冠軍陳美濤（Tomato）擔任模特兒行騷。品牌設計師Imellda Ho的手工高訂帽飾向來深受品味女士喜愛，今次與陳美濤合作，為時裝展增添優雅亮點。

陳美濤的經理得知她今次行騷的晚禮服相當性感，臨開場前特意進入後台監管化妝及服裝有否走光風險，確保一切妥當後才安心返回觀眾席欣賞演出。一出場，美濤身穿黑色高叉晚禮服，可能因為裙叉開得有點高，令她寸步難行，行得略顯緊張。不過獲得全場掌聲鼓勵後，她逐漸重拾信心，隨後幾套晚禮服均能行出水準。去到最後一套白色婚紗出場，即時引來全場掌聲，她與羅頌欣（Debbie）一前一後登場，美濤身穿白色婚紗的畫面，儼如新娘步入教堂。完騷後，陳美濤被問到穿上婚紗可有結婚衝動？她笑言：「完全冇！嗰件婚紗有啲緊，我真係後悔今日仲食咗個叉燒飯，所以俾經理人鬧！」她續說：「能夠同Debbie一齊行騷好開心，Imellda設計嘅帽飾真係好lady，搞到我唔敢好似平時走路操兵咁！」