元朗發生疑3狗咬死人事件，漁護署偕警方重返現場捉狗。
元朗於周六（19日）深夜發生疑3狗咬死人事件。昨日（20日）晚上11時，漁護署偕警方重返現場捉狗。
元朗警區指揮官署理總警司王家強表示，警方元朗警區人員包括刑事部及軍裝無人機隊、新界北快速應變部隊、以及新界北衝鋒隊，聯同漁護處動物管理隊，在壆圍南路一帶，流浪狗群出沒熱點，開展搜索及捕捉行動，捕捉具有潛在襲擊風險嘅流浪狗隻或動物，同時巡查附近郊野地區、鄉村小徑，可能有流浪犬隻或野豬出沒地點，以保障公眾人士，包括途人、踩單車人士嘅人身安全。
行動中，警方曾經採用警察無人機於南生圍一帶偏僻小路、灌木叢同渠務設施周邊進行空中巡邏，利用航拍畫面搜尋流浪犬隻或可疑動物蹤跡，實時將影像傳送予地面指揮人員，減低人員可能進入高風險區域，最終成功捕捉3隻流浪犬隻，已交由漁護處人員帶返中心進行檢驗，並於現場收集環境資料，以進一步協助重案組調查該宗有人死亡案件。行動期間，亦同時記錄多處流浪動物出沒地點，作為後續巡邏參考，如日後巡邏發現流浪犬隻或其他動物可能對公眾構成危險，會通知漁護署適時採取管制行動。未來，警方會聯同漁護處，按風險評估，持續於鄉郊路段（包括壆圍南路）展開巡邏，跟進流浪動物滋擾風險。
ADVERTISEMENT
【👇送恆香餅家張智霖演唱會伴手禮👇】
