Twins將於今年12月18日至20日假會展舉行《Twins Side by Side Concert》Sidetrack演唱會。消息一出即全城瘋搶，一票難求。主辦單位日前已經順應民意加開21日及22日兩場，不過門票再次極速被掃清。今日（28日）主辦單位宣佈終極加開12月23日一場。
全新挑戰
Twins終極加場，由12月18日唱到23日，一連六場，與大家提早慶祝聖誕，阿Sa直言開心又頭痕：「我自己都要上網㩒飛呀，你哋真係唔好同我爭！我自己都係得十幾張，有冇搞錯呀！哈哈，冇咩事我都係部署吓點㩒飛啦。」至於阿嬌就表示，這次Sidetrack演唱會對她來說是一個全新挑戰：「對於我嚟講全部都係新歌，好有挑戰性。」她又笑說：「所有大家熟嘅歌我哋都唔會唱嘅。」阿Sa接着說：「咁又唔係嘅，即係唱得太多吖嘛，係唱得太多嗰啲唔唱，哈哈。」二人的互動相當搞笑。
