有乘客發現大批旅客在港鐵旺角站客務中心工程圍板外「打卡」。(Threads用戶bolerovonravel)
港鐵市區車站月台的紙皮石馬賽克磚牆設計連站名，近年成為訪港旅客的熱門「打卡」點。旺角站的客務中心現正翻新，港鐵特地在工程圍板貼上紙皮石馬賽克磚牆樣式，並印上「旺角 Mong Kok」站名，未料逼真的設計同樣吸引到遊客逐一拍照，車站職員更因而要架起圍欄管理輪候「打卡」隊伍。
有網民讚設計一物二用
有乘客見狀拍下照片並上載至社交平台分享，不少人都大讚設計一物二用，「好睇得來人哋又有得打卡」，同時有很多人誤以為專門為旅客竪立「打卡」牆，「做得幾好起碼唔好阻到人」、「做咩無端端整道牆俾人打卡咁得意」、「唔洗(使)塞住月台幾好。」
不過，有網民質疑旅客「打卡」的並非真正月台磚牆，倒不如自行仿製類似場景或改圖，「反正你哋企嗰度都係假嘅」、「根本都唔係月台嗰個，影嚟做乜呢」，亦有人指出「一塊靚啲嘅圍板，大家表錯情以為真係特登整俾人打卡」、「有咗好耐㗎啦，不過唔會預計有人喺度影相仲要排長龍囉」。
ADVERTISEMENT
