鄧炳強拍攝防騙宣傳片
保安局局長鄧炳強再成為騙徒目標！佢收到騙徒電話，要求佢去政府總部見面。鄧炳強一啲都冇驚過，話佢正正身處政總，叫騙徒嚟搵佢。
原來鄧炳強係拍攝防騙宣傳片，片中佢收到陌生電話，對方聲稱：「呢到係保安局，你涉嫌觸犯內地法律。而家要你即刻過嚟政府總部10樓，核實身份協助調查」。鄧炳強反問對方屬於保安局邊個組別，揚言：「我而家就喺10樓，你過嚟搵我啦」。
強調保安局不會要求市民交錢
鄧炳強話世事無奇不有，佢都竟然收到詐騙電話。佢提醒大家呢類假冒政府部門嘅電話，往往係想套取個人資料，甚至要求轉帳。佢強調保安局絕對唔會致電市民要求交錢，亦唔會叫大家上辦公室協助調查。當大家收到可疑電話，一定要保持冷靜，再三核實，唔好上當。
ADVERTISEMENT
