吳君如多年前談及的「集郵女星」再度成為熱話。
鄧兆尊在「喱騷」全新清談節目《男人萬歲》首集提到圈中有一位集郵女星，形容這位50多歲女星「集好多人，好靚女，基本上一二三四線男星，全都集齊。」令人不停估這位女星的身份是誰。與此同時，有人找來吳君如在09年主持《星星同學會》找來劉德華做嘉賓，亦提及過集郵女星最想「集」劉德華。
鄧兆尊在節目提到圈中有一位集郵女星。
君如當時在節目中表示有很多女星都喜歡劉德華，繼而提到圈中有女星有鋪集郵癮，「嗰啲女演員就話集到劉德華、又集到黎明，又集埋郭富城啦！佢哋就話爭4個儲唔到一套，就爭劉德華！」之後華仔問君如︰「有邊個儲唔到一套？你話俾我知！就等我……」當君如在華仔耳邊說時，二人隨即哈哈大笑，更笑謂「完咗搵佢啦！」君如續表示︰「當然好多人有時鍾意吹，都唔知講真講假！但呢個係每一個女人夢想！」
其後事件成為各大娛樂新聞頭條，更列出可疑名單，其後君如解釋自己沒有跟劉德華說是誰，只是大家配合製造出來的節目效果，所謂集郵女星也只是開玩笑，沒有此人。
