伍詠薇在最新一集《九運會客室2》披露埋藏多年的驚險遭遇。
伍詠薇（伍姑娘）主持的HOY TV節目《九運會客室2》近期話題不斷，向來敢言的她連番爆料成為網民熱話。最新一集中，她首度披露埋藏多年的驚險遭遇，自爆早年出席聚會時，曾被一名男子強行拉入卡拉OK廁所意圖不軌，過程令人譁然。
伍詠薇驚爆早前被強行拉入K房的遭遇。
借醉行兇
伍姑娘憶述，當年因尊重一位「香港好大權力女名人」而應邀出席卡拉OK聚會，雖然跟對方不是太熟絡，但對方每星期都會頻密找她。而每次出席，同場都會有一名男子主動搭訕，她直覺已猜到對方意圖。直至第四次聚會，該男子藉酒意在她剛到達時，隨即將她強行拉入K房廁所，她形容在場其他人反應異常：「成班人坐喺度好靜，好似拍劇排戲咁，坐喺度唔郁架，咁我就被人拉入廁所。」
Brian聽到呆咗。
自解皮帶扣
被拉入廁所閂門後，該男子一手將她抱上洗手盤，並開始解開自己皮帶。伍姑娘即時用力按住男方心口大喝：「我㩒住佢心口，話你飲醉咗，要大聲同佢講，我話得啦，行開啦，我唔受呢套！」其後趁機衝出廁所，而當時該女名人亦知道發生不愉快事件。伍姑娘續指：「我唔知係咪人哋欣賞我，但都有種侮辱性喺度。」更指該男子非善男信女，並勸籲各位女性要提高警覺，好好保護自己。
