李佳芯對《義和》臨時被抽起大感可惜。（娛樂組攝）
李佳芯（Ali）今日現身大角咀，以防「風」健康大使身份，出席防中風活動。被問到她與黎諾懿主演的劇集《義和》，原定於HOY播放但臨時被抽起，Ali表示看到報道才知悉消息，「咁辛苦做完個作品，梗係想多啲人睇到。據我所知係合約問題。報道出街我先知，我哋做完作品無理咁多，嗰啲嘢留返俾大人。」她表示看到新聞後曾與黎諾懿溝通：「我問佢原來係咁？佢有講過『係呀！合約問題。』不過跟住大家都忙，就冇再跟進。」
片商有意賣埠
她表示沒有收到要為作品宣傳的通知，「拍完之後我知片商有意賣俾其他地方，open for任何地方。」問到劇集無法在香港和娘家有線播放，問是否感覺特別可惜，她笑言：「我都唔知我可以返邊度，我應該返屋企。當然多一個人睇到，對我嚟講真係開心啲啦。」對於外界猜測跟黎諾懿與TVB合約問題有關，她答道：「我覺得太多猜測，邊個真邊個假都冇人知，唔答咁多喇！」
