陳健安（On仔）與胡子彤出席《903 AllStar 籃球賽》「賽前特訓」，二人表示對籃球不及足球般好，但會盡力。談到古天樂擔任隊長，子彤希望老闆可以落場，或許現場觀眾不停大叫「古生」會令他落場拍有球，希望集氣成功。
他們早前以FC3名義到大馬踢波，On仔表示有好多回憶，除了大讚陳家樂是神助攻外，又大爆一班人先後在更衣室、球場上感觸落淚，其中馬志威更是團中喊包。他們指當地主辦也安排不同餐廳，吃了不少美食，而團中有些人曾在大馬拍劇又會帶大家食一些特別東西，加上難得大家聚在一起，非常開心。
球場事球場了
對於早前On仔跟林作有份落場踢的球隊比賽，由互相較量變成鬧劇，On仔慘遭對方球員扯衫，監生扯落地，引來不少人批評打茅波，On仔指當日是代表FC3去參加的業餘賽，承認有不公平情況，「我記得過程係有一啲唔公平嘅，譬如拉衫冇吹，又或者對方有啲動作多咗，都會行埋去問嗰個人，話返俾人哋聽我覺得唔公平嘅嘢，向球證投訴吓。我記得有兩三次拉衫，我用手揈開，球證就俾黃牌，我就無嘢啦，球場事球場了，大家完賽之後都有講good game！」
