圖片來源：Threads、AI漫畫示意圖
三色豆熱潮繼續升溫，繼三色豆拉麵、三色豆蛋糕之後，更延伸至Donki食品部門。有網民驚訝在本地Donki發現三文魚軍艦壽司竟配上三色豆，非常爆趣，引起各方好奇議論紛紛，反應兩極。
網民驚見Donki賣三色豆雜錦魚生腐皮軍艦壽司。（圖片來源：Threads）
網民好奇：新一代明將？
日前有網民在Threads發文，聲稱見到壽司櫃有一盒標明八折優惠（特價$39.92）的雜錦魚生腐皮軍艦壽司，面頭有些三文魚，又有「Cls㗎？三色豆？？？」引發一眾網民爆笑回應，有人笑稱「咪同pizza加菠蘿一樣囉」、「新一代明將」、「係咪明將師傅過左檔黎Donki?」。
不接受的人批評：「反社會人格設計出嚟嘅壽司」、「浪費咗嚿花之戀」、「走豆可唔可以平五毫子」、「廚餘料」、又話「買完掉左d豆咪得」。
支持者：補充營養
不過亦有人支持：「好吸引」、「有創意」、「正呀三色豆由細食到大」、「驚你平時唔食菜，補充營養」。食過的網民則表示：「我食過，其實係枝豆都ok，反而粟米唔好食」、「無三色啦，粟米+枝豆，但粟米好生」。
對於小編就覺得用枝豆比原本三色豆的青豆起碼貼切日式風味，不知食開壽司的你buy or bye呢？
