人氣組合AAA主音浦田直也，同天后濱崎步相識超過10年，兩人以姐弟相稱，但近日男方公開向女方示愛，事後隨即刪文，懷疑係酒後吐真言。浦田直也昨日喺twitter貼文透露，正喺朋友屋企飲酒作樂，疑酒後壯膽，貼上托腮自拍照向步姐示愛，「我好想去抱緊Ayu，已達到想死的程度。」隨後開始語無倫次，不斷話「深愛著你」、「不會逃避」、「好想見你、擁抱你」等，眼利嘅fans發現，浦田直也手上嘅戒指同步姐為情侶款，姐弟間嘅曖昧情，再度成為熱話。
ADVERTISEMENT
請你去迪士尼樂園玩！登記攞飛！
