陳慧儀笑小環似「細路女」

奇妙電視新節目《搵錢男女》，請來魚蛋女王譚小環，訪問前財經節目主持人陳慧儀的啫喱花蛋糕店，互相分享創業心得，小環更趁機向慧儀拜師學整蛋糕，二人久沒碰面，陳慧儀笑言小環似「細路女」，她說：「佢仍然咁瘦！同以前一樣，好似細路女，證明唔係做生意就會變市儈！」小環亦大讚陳慧儀心思細膩，非常欣賞她的「作品」，談到娛樂圈的發展，陳慧儀指現階段無意拍劇：「都有人搵過我，不過我冇興趣喺拍戲方面發展，喺圈中就仲有好多朋友。」在旁的小環則表示：「我唔捨得幕前嘅工作，仍然好鍾意演戲，就算做生意都唔會放棄幕前。」