(左:SHINee珉豪/ 右:越南粉絲)
大家迷偶像，會唔會迷到想變成佢？
呢位越南男粉絲嘅偶像係SHINee珉豪，鍾意嘅程度係想變成佢！
男粉絲長相普通，一直將戀愛同就業失敗歸咎於外貌，有一日終於下定決心要脫胎換骨變成偶像瑉豪。佢從越南飛到泰國，2年間共花逾9400美金(約73320港元)，接受30次手術，依家完全同舊照判若兩人。
男粉絲至今都唔覺得「整容成偶像」係瘋狂舉動，甚至表示：「依家唔再因為外貌而傷心，過得非常幸福，如果有機會會再整容，因為可以令我重拾自信。」
佢仲將社交帳號改成「Minho」(珉豪)，大家又覺得似唔似？靚唔靚仔？
越南粉絲整容前