【即時娛樂】「蝙蝠俠」韋基馬突取消所有活動

舊版「蝙蝠俠」57歲美國影星韋基馬(Val Kilmer)，5月初承認曾患喉癌，指自己已由癌症康復中。不過，近日佢應出席7月28至30日舉辦嘅Tampa Bay動漫展，卻突然取消。Val Kilmer喺twitter表示，要優先處理家庭事務，心須取消行程，並向fans道歉。主辦單位話，Val Kilmer係到最後一刻先通知無法參與。除咗取消今次活動，連7月20日藝術展覽「Icon Go On, I’ll Go On」嘅開幕儀式，亦臨時取消，令人猜測佢健康再次出現問題。