邱騰華赴前海「取經」？年輕人傳授創業之道

商務及經濟發展局長邱騰華(Edward)都想創業？非也，原來係Edward局長到深圳前海參觀，認識咗喺香港土生土長嘅郭瑋強(Eric)同佢嘅合夥人，了解佢哋嘅創業故事。Eric同幾個中大同學，兩年前未畢業就已經成功研發「守護者防遺失系統」，後來獲得資金支持，喺科學園創辦隨身寶科技公司，將系統推出市場。隨身寶科技喺去年擴展業務至深圳前海，喺深港青年夢工場設立分公司。Edward局長希望藉著呢個例子，鼓勵大家創業不是夢！