郭晶晶和李小鵬出席慈善活動發布會，兩人戴上特製眼鏡，體驗白內障患者的模糊視力。再度擔任活動大使的郭晶晶表示，以前也試過視力模糊，要用更多精力去看東西，很辛苦；所以一定會教自己的仔女學懂保護眼睛。
郭晶晶自爆大兒子很喜歡妹妹，「佢一直都想要有細佬妹，想妹妹快啲長大同佢一齊玩。(想要多個弟弟？)佢梗係想，男仔覺得細佬比較好，可以同佢玩。」生日將至，被問到會怎麼慶祝，郭晶晶笑言：「唔會點慶祝，(老公會唔會有驚喜？)我唔要驚喜，每日都咁樣幾好。」隨後她又笑道：「可能我係一個唔識浪漫嘅人。」
李小鵬女兒有體操天分
除了工作就喜歡帶孩子的李小鵬表示，如果可以，會帶兒女一起參與這次的慈善跑，「我都會限制大女玩電子產品，一般周末可以玩一玩，其他時間都唔可以。」他坦言平時會和家人去打波、游水等，並透露女兒很喜歡體操：「佢都幾有天分，體操都練得好好，但係唔會強求，有興趣就好。」
會帶仔女上節目
談到一對兒女深受網民喜歡，他即笑言：「我都好鍾意很，兩姐弟都幾似。」他坦言，如果有機會，也會帶她們上綜藝節目，「我會盡量俾佢哋兩個一齊上，但係囝囝仲細，有啲擔心，但一定會帶囡囡參加。」並透露收到內地節目《爸爸去哪兒》的邀請。
ADVERTISEMENT
【👇送恆香餅家張智霖演唱會伴手禮👇】
