【即時娛樂】水崎綾女一年婚姻玩完

去年7月宣佈閃婚嘅28歲日本性感女星水崎綾女，驚爆已經同37歲圈外人老公離婚，結束短短1年3個月嘅婚姻，經理人亦證實離婚消息。水崎綾女曾喺真人版《進擊的巨人》中演出。佢曾透露同老公係打麻將認識，拍拖一年就決定結婚。但兩人工作性質唔同，水崎綾女經常到海外工作，夫妻聚少離多。雙方喺取得共識下和平離婚，亦冇向對方索取贍養費。