【即時娛樂】朴有天生日富女友送錢

正服兵役的31歲JYJ成員朴有天，有傳今年9月迎娶南陽乳業家族27歲外孫女黃荷娜，成為豪門女婿。朴有天喺本月4日過31歲生日，黃荷娜喺當日晒一張匯款嘅相，並留言說：「本想匯7777777，但無法一次匯咁多，只好分批改成1111111、2222222、3333333」，疑示匯咗合共7,777,777韓圜(約53,666港元)，俾未婚夫做生日禮物，但隨即秒刪。黃荷娜雖然冇講明匯款對象，仍引起網民猜測呢筆錢係匯俾未婚夫嘅生日禮物。
另外，黃河娜日前喺IG暗示「0910請祝福我們」，疑洩漏婚期就喺9月10日，而呢個時間亦同8月退伍嘅朴有天，將即刻結婚嘅講法不謀而合。對此，朴有天經理公司指：「並未收過與婚期有關嘅消息」。