Cherry指，見其真面目最多的人，就是最親的媽咪，她自爆小時候經常與媽咪吵架，曾經一次發脾氣大力閂門，夾傷媽咪隻手。
顏卓靈(Cherry)由大銀幕跳到樂壇，近日又有新歌《惡女》派台，今次她決定踢走可愛清純形象，以全新惡形惡相形象示人，Cherry說，她這個「紅眼惡女」形象，才是她的真面目，更叫人不要貿貿然說愛她。
Cherry新歌《惡女》日前拍攝MV，其中一個造型塗上火紅色眼影，加上一副生人勿近的表情，令人看見即有寒意，Cherry說：「雖然《惡女》嘅旋律有啲啲情歌味道，不過我唔想咁重愛情元素，唔啱我性格，感謝填詞人寫咗呢份講出我心聲嘅歌詞！」
唔想再扮可愛
Cherry又指，觀眾見她有啲肉地很可愛，而且又有隻爆牙，性格好像很開心，其實真正的她並不是這樣，她續說：「外表係天生，不過內心和性格係好個人。我呢個人生得太可愛，成日都被『標籤』好開心、好陽光，仲跳埋舞跳跳紥，其實另一面嘅我成日會胡思亂想，又會好惡，反差太大，會令人好驚訝！藉住呢首歌，我想同大家講，我份人就係咁，未睇清楚我真面目之前，唔好貿貿然就話鍾意我。」
ADVERTISEMENT
送健之堂舒壓好眠足湯 x 石墨烯足浴袋
