阿澤將主持其首個飲食綜藝訪談節目《杜汶澤食住上》。
奇妙電視頭炮節目，請來杜汶澤(阿澤)率領盧頌恩(妹頭)及鄺芷凡(Omi)擔任主持，嘗試開創史上最口沒遮攔的飲食綜藝訪談節目，阿澤會繼續發揮「把口唔收」性格，邊食邊爆娛樂圈秘聞，盡顯他敢言、敢做、敢玩的大無畏精神，阿澤更嘗試親身品嘗城中劣食，拿自己的肚皮來做實驗，又被爆愛在家中裸體入廚。
阿澤碌盡人情卡，親自為多位好友下廚，他自言從小已入廚房，他說：「自細學煮嘢食係為媾女，一嚟可以慳錢，二嚟可以氹個女仔上我屋企。」開鏡禮上播出嘉賓留給阿澤的悄悄話，薛凱琪在片段中大爆他喜愛裸體煮餸，阿澤否認是與太太玩角色扮演，他解釋：「喺屋企當然係咁隨便，不過拍攝時唔會咁做，話晒合家歡節目。」
搵命搏親嘗奇怪劣食
節目設劣食環節，3位主持將親身試食城中劣評如潮的食物，妹頭及Omi在開鏡禮，再度挑戰阿澤的肚皮，要他即席品嘗兩道古怪食品，對此阿澤大呻：「依家市面真係有好多奇怪嘢食，上次食完個海膽屙咗兩日，真係搵命博！」兩位美女主持反而不怕劣食環節，而且大讚阿澤手勢：「阿澤煮嘅嘢食真係好花心思，唔係家常便飯咁簡單。佢每次煮完，我哋都係第一手試食，真係好開心！」
阿澤親嘗朱古力撈麵，搞笑露出難受表情。
ADVERTISEMENT
請你去迪士尼樂園玩！登記攞飛！
