【即時娛樂】松田龍平撐分居妻：佢係我重要嘅人

33歲日本男星松田龍平近日傳婚變，皆因其29歲混血模特兒老婆太田莉菜，經常趁佢唔喺屋企時，唔離7歲女兒，同一名年輕男演員搞不倫，令松田龍平決心離婚，經紀公司亦承認夫婦倆已分居，離婚倒數中。不過現出現大轉機，今日他罕見在IG晒嬌妻相片，似已原諒老婆偷食。
松田龍平今突然喺IG貼文護妻，晒出太田莉菜相片，並讚「佢係我重要嘅人，亦係堅強嘅母親。」粉碎婚變傳言，超MAN舉動獲大批網民贊好，連弟弟、演員松田翔太，亦留言「我亦好喜歡她」力撐大嫂。