【即時娛樂】40歲柏原崇靚樣曝光

日本男星柏原崇因《惡作劇之吻》、《情書》而大紅，後來漸漸淡出螢光幕，2013年客串《惡作劇之吻》後，就冇再喺鏡頭前亮過相，16日係佢40歲生日，佢特別錄製影片向粉絲致謝。踏入四張嘅佢，露出側面，留鬍子，非常man，樣子幾乎冇乜點變，令fans驚訝為何40歲都咁靚仔。柏原崇當年靠俊俏外型，迷倒不少女粉絲，同女星畑野廣子離婚後，屢傳負面新聞，形象重創，不過每拍新戲都引起話題，近年佢同內田有紀拍拖。