Fiona在演出期間多次哭成淚人。
一連4場在麥花臣場館舉行的《夢之途中 薛凱琪音樂紀2017》，前晚圓滿結束。由於每一場都有多個感動環節，以致Fiona每晚都哭成淚人，難怪她笑言，今次演出令她心力交瘁。
Fiona堅持今次個唱不邀請嘉賓，純粹以歌曲和舞蹈訴說過去10年的成長經歷，對於在演出中多次流淚，她表示：「投入咗，眼淚就會自自然然流出，所以呢4場，每晚都令我心力交瘁，比做紅館更加攰。」
當被問到為何不邀請嘉賓時，Fiona解釋：「因為只要有嘉賓上台，例如方大同，觀眾嘅情緒就會好high，影響晒整個演唱會設計嘅戲味，所以嘉賓部分都係留待下次先。」
演出獲好評
今次演出令Fiona身心疲累，然而獲得不少好評，她對此表示：「好多朋友睇咗都send短訊恭喜我，例如Wyman就覺得我開咗個先河，將會係一個演唱會嘅新方式。」她又感激公司令她夢想成真，「呢個演唱會喺短短個幾月內，由籌備到舉行，都係因為我嘅任性，我希望可以俾大家歡樂，同時希望鼓勵大家，要為自己喜歡嘅事，繼續去追尋同埋堅持。」
ADVERTISEMENT
請你去迪士尼樂園玩！登記攞飛！
