陳曼娜700萬嫁妝贈女

藝人陳曼娜(Manna)女兒鄭祖兒(Joie)下嫁蔡朝旭(Dicky)，昨晚在香港君悅酒店設宴，圈中人緣甚廣的Manna姐請了阮兆祥及李浩林任女兒婚禮司儀。
Manna姐以一身鮮紅色晚裝配粉紅色頭髮登場，吸睛程度絕對比女兒高，Joie則以一身白色喱士露肩拖尾婚紗登場，每步均要助手攙扶處理裙尾。Manna姐表示：「今晚擺咗四十幾圍，冇得再加啦。(點睇女婿？)又愛又恨啦，因為個女俾咗佢，不過依家都算多咗個仔。」提到Manna姐送了價值700萬的嫁妝，當中包括一架400萬法拉利，Dicky笑言已收到。Joie接受訪問時則眼泛淚光，Dicky踢爆她彩排說到媽媽辛苦籌備婚禮時已哭。問到造人計劃，Manna姐坦言：「想佢哋快啲，但都要睇佢哋呀。」Dicky也希望三年抱兩，度蜜月會順便造人。