太太離世後，林子博身兼母職。
中一自行分配學位申請於下周一截止，林子博在Facebook透露每日都提醒自己要盡快交表，當他準備相關文件時，才發現已故的太太Shirley一早準備好，令他不用手忙腳亂。
Shirley患上罕有癌症，最終不誤癌魔與世長辭。
他在網上表示自己一直以為是個稱職爸爸，甚至比太太做得更出色，他說︰「因為好多關於子女嘅事都係由我親力親為，如家長日見老師、為子女申請證件、搵學校等等……但而家先發現原來我呢個所謂嘅稱職，由始至終都係由我太太一手造就出嚟！」他續指現在沒有人提他子女的證件何時到期，家長日是哪一天，甚至重要文件擺放位置，現在這些東西對他來說根本「一頭霧水」。
當他為囝囝準備過去的成績表時，「發現太太原來早已將子女由幼稚園開始嘅所有成績表、獎狀、證書『keep起』，而且仲一張一張咁整理得井井有條，方便我呢個所謂嘅稱職爸爸，拎起個File就行得！唔使『揦手唔成勢』！老婆～多謝你一直為我塑造呢個好爸爸形象，默默喺背後容許我人前認屎認屁！ 其實妳先係一個最稱職、最偉大嘅媽媽！」