上月湯怡與麥秋成在網上宣佈結婚兼即將榮升父母，早前二人的擬結婚通知書曝光，今個月會舉行小型婚禮。婚期臨近，今日（9日）下午已完成過大禮儀式。
過大禮儀式跟足傳統，麥秋成送上大堆禮品，包括大筒花膠、瑤柱花菇、龍鳳鈪、金豬牌、首飾、中式禮餅、巨型生果籃、紅酒、椰子等，多到一張大枱都擺唔晒，龍鳳鈪更大流星錘，認真犀利！
提到過大禮情況，Kathy笑言自己乜都冇做，只是齋坐，「我都係坐喺度㗎咋，哈哈，冇人夠膽俾我做嘢。就算我想幫手，佢哋都會話：『你唔好呀你唔好呀……』不過都好嘅，呢段時間大家都係當我一個公主咁對待。再加上秋明（麥秋成弟弟）係wedding planner，所以好多嘢都係佢幫我哋manage。」
問到湯怡佗B感受，她說︰「我覺得呢個感覺好奇妙，自己都好興奮，暫時未緊張，反而會同啲朋友，或者家姐傾吓生完之後bb之後會點，好多知識而家吸收緊。同埋都睇好多媽媽書，譬如坐月嘅時候應該食啲乜？懷孕期身體上會有啲乜嘢變化？同埋會補充好多supplement，希望可以有足夠嘅營養俾bb。」
ADVERTISEMENT
【👇請你去香港迪士尼樂園Pixar Summer Fest👇】
