軒仔早前為一個煲賣廣告，沒料到家中的電飯煲就因為工人姐姐而爆炸。
張敬軒的工人姐姐因為每次都準備麵包、白粥作為早餐，搞到軒仔叫苦連天，因而成為大家熱話。沒料到沉寂一排的工人姐姐再有新搞作，今次是煲粥煲到電飯煲爆炸，搞到軒仔摸不著頭腦，並向已爆炸的電飯煲說句︰「你辛苦了。」
爆炸到個煲都唔見埋。
軒仔在網上分享姐姐與他的對話截圖，見到姐姐傳來電飯煲的插線，指家中的電飯煲爆炸，向軒仔詢問是否需要買回一個有煲粥功能的電飯煲。軒仔留言說︰「我真係諗都冇諗過，最先頂唔住嘅竟然唔係我，而係屋企個電飯煲……煲粥煲到個煲都爆埋，我諗佢係港九新界第一人。」之後他又寫下一封給煲的信︰「你辛苦了 #我都唔差 ，下次希望你可以做個悶燒煲、真空煲、沙煲... #總之乜煲都好喇！最緊要記住#唔好返嚟我哋屋企#煲 #煲有煲命#佢想買過個新煲但係都仲要有煲粥功能#你睇佢幾執著 #放下喇施主 #方丈Yak粥Yak到想還俗#阿煲甩難阿蛇慢慢捱#等我今晚返去Check下個煲咩環境先 #依家準備做PressCon先」
姐姐非常關注是否仍要有煲粥功能的飯煲。
不少人的留下笑到喊的emoji圖案作為留言，看見軒仔的工人姐姐為大家帶來很多歡樂。其中DJ Donald更搞笑說︰「粉碎到得返條電線，咁入面啲飯/粥會唔會因為熱力變炒飯。」令不少人笑過不停。
ADVERTISEMENT
【👇送第6屆工展會購物節電子門票👇】
