香港電台新任處長李百全上任之後，所有節目都須由他親自過見，而《香港故事》原定播出香港樂隊LMF的訪問，最後因李百全指樂隊不夠decent，經常唱粗口歌，加上他們的政治取態，於是抽起他們的訪問。
阿肥在直播中不時嘆氣。
LMF成員阿肥前日開live，對李百全的舉動得啖笑：「我哋呢啲咁唔decent樂隊，港台節目抽起咗，其實冇咩影響，我覺得好笑嘅係一個冇讀過新聞、冇做過傳播機構，空降做咗處長，然後嗰個禮拜嘅節目俾佢睇過先可以出街；反正我哋嘅歌冇電台、冇電視台會播，其實一直以嚟都冇播過，有咩所謂？」他又認為現今世界已經很瘋狂：「可能會再癲啲，我哋諗唔到有幾癲、有幾邪惡，我哋唔係佢嘅心，唔係佢咁諗嘢。」
阿肥對訪問被抽不感難過。
阿肥又指訪問抽起其實微不足道：「相比起嗰15個人本來可以保釋，然後律政處上訴立刻要佢哋還柙呢件事，佢哋嚴重好多，緬甸亦都好黐線，開真槍殺人、殺平民、殺年青人，我哋嗰啲唔值得提，個世界黐X咗線！」他坦言連粗口也表達不到現今處境的無奈。
他又提到父母和老師由小時開始教他要做好人，做人要有良心及公義，反問當權者為何會做盡喪盡天良的壞事，而毫不擔心報應。阿肥說：「佢哋唔驚架喎，做咁多壞事喪盡天良，諗盡辦法害佢哋，唔驚架咩？唔怕有報應？地上行走係俾魔鬼統治，但係就可以咁嘅咩...都係嗰句啦，就算佢哋唔信有報應都好，我信。做壞事嘅人係一定有報應！」
ADVERTISEMENT
請你去迪士尼樂園玩！登記攞飛！
