今日MIRROR首次於台上表演新曲《WARRIOR》。
早前MIRROR到梅窩拍攝，與fans掀起風波，其中「姜糖」嬲爆公開力插姜濤表示：「捧得紅你都可以踩低你。」MIRROR今日出席「ViuTV 5周年：繼續向前」活動，隊長Lokman表示當日fans非常熱情，加上無處不在，因影響到拍攝，於是決定勸他們離開，並非為了節目效果，不擔心fans會離他們而去。
他們表示沒有為了節目效果而出賣fans。
Anson Kong稱收到很多fans留言指他們的行為是節目組設計，「其實事前都冇預過有呢件事，嗰日真係影響到拍攝，就連工作人員都唔知點拍，希望fans明白。」Edan又指並非拒絕與fans合照，但大前題是不要影響拍攝，「我哋無惡意，本身拍攝有外景，佢哋跟得好貼，又擔心安全問題，所以工作人員唔出去拍。今次個節目好重要，我哋都想拍好個節目，於是我哋決定出去講。」
姜濤罕有主動回應事件︰「我想同所有人講，我哋MIRROR每個人，包括我自己，都唔會攞fans嚟開玩笑。節目效果呢啲嘢，我哋冇可能唔經fans同意攞嚟做效果，呢個絕對唔會發生！嗰日情况係所有嘢都好突發，當日我啲fans多咗啲啲，所以由我行出去講。」他又指fans「私追」很危險︰「對佢同埋對我哋都有危險，嗰日喺馬路貼得好近，佢哋唔睇後面車，好多時抱住一個又要顧住佢哋，又要顧住節目組嘅心情，尤其係喺梅窩我哋都唔熟悉嘅一個地方，所以我都決定行出嚟同佢哋講，一嚟代表我嘅fans，亦代表所有人心聲去講呢件事。我哋再重申，絕對唔會攞粉絲嚟講笑，唔會為咗節目效果而出賣自己嘅fans，呢個係絕對唔會發生嘅事情！」
姜濤認為fans私追對大家都有危險。
對於有fans講「捧得紅你，都可以踩低你。」姜濤坦言有不開心：「引起大家唔好觀感，我都想同大家再講sorry。若果俾多一次機會，我唔會將話講得太重，希望理解我哋立場，我哋對每個fans尊重。」