香港近年展開很多大型工程。(資料圖片)
1997年未生的父親是小判頭，但金融風暴後他看到工程大減、盈利能力下降、判頭收帳風險太大，最後變回打散工。但如果1997年他穿越到2015年，遇上我的朋友、一個投資銀行家黑傑克的話…… 父親：「今日接到單大地產商工程，真是發達啦，不過又要俾錢買機器、請工人，真是無咩錢投資……點搞好呀……」 黑傑克：「先生，聽到你好需要錢，你盤生意有得搞，點解唔上市？」 父親：「你係唔係嗰啲大銀行，專俾嗰啲頭借錢嗰啲人嚟。我同我partner兩個粗人得個商業登記，我淨係識做工程，唔識炒股票，核數師都係是但找個劉關張平平哋搞掂佢，你有咩幫我？」 黑傑克：「先生，上市啲錢我幫你搞掂，我一步步來幫你……上咗市後起碼籌錢容易啲，仲有賣咗隻殼，就算創業板嗰啲殼都有2億，你要做幾多工程先賺到2億呀，到時就可以嘆世界先。」 父親：「2億？你唔好嚇我，我嗰啲工程賺到過百萬已經好勁啦，你係咪講真先，是真我就叫個朋友來睇吓點搞，你再講吓咩搞先……」 黑傑克：「首先要接多啲政府工程，平少少都唔拘，我知呢啲工程要一定資格，如果無，收購或拿多些許可資格，取到資格就易啲拿到工程，咁樣訂單同現金流夠大，應該容易砌夠2年2,000萬元上GEM(創業板)。錢我哋可搵人提供俾你，仲有我要幫你找個平平哋識做IPO的核數師，搞番好條數佢，唔係就真係好難上市賺大錢啦。」 父親(興奮地)：「我哋都做咗幾年啦，無資格我哋點樣接到咁多工程呀，但係有時工程啲嘢，標接咗番嚟，成本都是好難控制的，點樣搞到賺錢呀……嗰啲咩嘢IPO、核數師、咩收購，真是唔識，先生，要你幫吓手啦，唔該晒……」 黑傑克：「成本嘛，做工程都是路搭路，人搭人的，你叫你下面幫你做嘅工人開間公司先，做你哋下面啲二判、三判，仲有呀，有啲成本其實可以避的，請啲唔想報稅的黑工，差額就枱底數現金補番俾他們，呢啲慳稅慳成本嘅嘢，你應該都幾熟啦。咁條數就會靚，做到上市，在我的魔術手之下，nothing is impossible……」 父親(大大聲唔使驚)：「果然好計，咁第日搵埋我個拍檔過來，飲杯茶食個包再傾啦……」 說罷，他就拿起部舊StarTac電話找他個partner……如果真的這樣，未生就可以學黃翠如咁，有個建築公司CEO父親啦，哈哈哈。不過是時候醒下，寫到依家未生都是要繼續返工。
財經Blogger，從小學起對股票已產生興趣，遍尋香港股票資料，賺錢的目的為找尋生活中美好的東西。
逢周二、三刊出