洪永城拒再合作朱晨麗︰我唔會生安白造

陳煒、譚俊彥及朱晨麗等昨日為《法證先鋒IV》宣傳，劇集收視屢創佳績，周一的收視更高達36點，打破無綫近6年劇集單集收視紀錄。最近有指《多功能老婆》將會開拍續集，但洪永城不滿被朱晨麗指他私下「加戲」，因而背上「鹹豬嘴」罪名，拒絕再合作，朱晨麗對此表示︰「我唔會生安白造。」

朱晨麗被問到洪永城拒合作，她認為沒必要舊事重提︰「我冇芥蒂嘅，有冇得再合作，拍戲、做活動呢啲都係公司安排。我之前都講過我有打俾佢安慰佢，亦唔止一次，正常朋友咁溝通。(拍攝之前有冇溝通？) 我所講嘅嘢唔會生安白造。之後都有唔止一次安慰佢，有同佢講唔好意思，件事都隔咗咁耐，唔好再將件事放大。」

在《多功能老婆》中與朱晨麗演好姊妹的煒哥就認為，二人可能欠缺溝通所致，又指沒有聽過開拍續集一事。至於曾與朱晨麗合作多次的譚俊彥表示每次拍攝前都會溝通好，反而透露有場戲是對方事前沒跟他說就親了他。他說︰時監製想要演員突如其來的效果，相信專業演員不會想太多。」