李思捷重返無綫大派100萬獎金獎品搶收視

一直有傳李思捷重返無綫幫手救收視，今日他與王馨平、歐瑞強、泳兒、陳家樂、湯怡等出席新節目《思家大戰》拜神儀式。

相隔3年重返無綫，李思捷在新節目身兼監製及主持，他表示公司向《Family Feud》購入版權，指這個節目有45年歷史，在75個國家做過，自己由10歲開始便觀看。他說︰「香港一直冇人買嚟做，其實呢個節目5年前我已經推薦過，但係時機唔同，就算5年前志偉喺度都未必做到。我有兩個願望，第一個《今晚睇李》已經做咗，另一個就係想做呢類節目。」他承認今次是受曾志偉邀請重返無綫。

問到《思家大戰》是否為無綫爭取收視，他說︰「唔係嘅，有競爭先好玩，一個台玩晒邊好玩，咁樣先健康，勝負唔重要。收視係講天時、地利、人和，我有信心做得好先出街。」他又透露節目將會送出100萬獎金獎品，而每集勝出的一隊可獲5萬獎金。