張敬軒2022年有運行憑《On my way》成首位五台冠軍歌手

張敬軒去年憑歌曲《俏郎君》成為2021年首位奪得五台冠軍歌的男歌手。踏入2022年，軒仔親自監製的歌曲《On my way》先後奪得無綫電視「JSG勁歌金曲」及ViuTV「Chill Club推介榜」冠軍歌，《On my way》的演唱會版昨晚亦於Chill Club播出，加上早前歌曲已經成為商業電台「叱咤903專業推介」、新城電台「新城勁爆本地榜」及香港電台「中文歌曲龍虎榜」冠軍歌，歌曲迅即成為本年首首支五台冠軍歌。

軒仔成為今年首位奪得五台冠軍歌的歌手，他認為是一個很好的開始︰「《On my way》呢首歌係有好多自己嘅經歷喺入面，亦都係作為入行二十年送俾自己嘅一份禮物，你可以話回顧、總結，甚至亦都可以係一個開始。新一年啱啱開始，得到五台冠軍歌當然開心，多謝製作團隊，亦都多謝媒體、歌迷、網民嘅支持，嚟緊將會係重新開始，會繼續努力做好音樂。」