Gin Lee現身節目宣傳新歌。
李幸倪(Gin)作客TVB娛樂新聞台節目《StarTalk》，接受主播許文軒(Edmond)專訪，大談推出新歌《剛好》感受。Gin說：「歌迷成日私訊我想我再唱多啲R&B曲風嘅歌，但要等時機，呢幾年專注唱抒情歌多啲，其實內心係好想唱多啲R&B同節奏感強嘅歌，依家時機終於到，所以同T-Ma合作推出《剛好》。」Gin又說：「其實都擔心樽頸，都怕Fans會悶，所以自己一直求變，呢幾年花咗好多時間同心機鞏固抒情歌部份，形象都好鮮明，所以依家係有多啲嘅自由度試其他嘢，嚟緊推出嘅大碟，大家會見到多啲節奏感嘅Gin Lee。」
談到受疫情影響下，三年未見家人，她說：「疫情下過咗三個好唔同嘅新年，每逢過年自己一定請假返去馬來西亞過年或者帶屋企人去旅行，已經變成我哋屋企嘅傳統。但呢三年嘅團年飯都係隔住個屏幕食，我同家姐，仲有媽咪喺三達唔同嘅地方，我哋開住三個鏡頭，問吓佢哋食啲咩，我有影吓自己食咩，真係食到眼濕濕，但係我忍住唔想喊，覺得大家健康、安好已經好感恩，所以呢幾年真係過得好難忘。」
ADVERTISEMENT
請你去迪士尼樂園玩！登記攞飛！
