許廷鏗感恩在疫情下仍順利拍攝今次廣告。
許廷鏗（Alfred）再度拍攝啤酒廣告，他在全新一輯宣傳片中要滑住拍，廣告中他Alfred坐在櫈上滑來滑去，原來滑得靚都好有難度，不過說到最難就是要在放滿食物的枱上拉枱布，而且要一Take過，一向身手敏捷的Alfred都被考起，他笑言：「今次仲有幾位演員一齊拍，我哋好似朋友咁傾偈，其實我哋亂噏無厘頭嘢，不過出嚟效果又過癮，我諗大家好耐冇一齊聚埋傾偈，希望呢個廣告出街後，疫情都快啲過去，大家朋友可以一齊飲啤酒相聚。」談到拍攝時，Alfred都有嘆番兩杯，他稱上次跟對手強尼拍攝時真飲起來，結果他飲到面紅紅，所以今次他留到最後一鏡才夠膽飲。
Alfred身為醇滑嘉士伯代言人，在疫情下接拍今次廣告，他感恩順利完成，並表示：「好感恩喺疫情下拍到廣告，而且亦都冇爆發群組，拍嘅時候疫情未算好嚴重，不過工作人員都非常小心做足防疫措施。」這輯廣告已在網上平台播出，接住第二、三輯宣傳片及大型戶外廣告，將陸續於6、7月登場。
