Lucy化身電單車手拍攝飲品廣告。
李璨琛（Sam）的4歲女兒李元元（Lucy）向來鬼馬可愛，表演慾強，深受廣告商歡迎。Lucy最近又化身「廣告從業元」拍攝飲品廣告，片中見她以電單車好手造型上陣，帶着頭盔，相當可愛，Lucy媽更大爆囡囡拍攝時的趣事。
Lucy 媽表示：「一埋位就上身咁款，超順利交貨不特只，有一次，導演嗌完action，全城人等緊LU姐講嗰句對白，靜咗3秒，佢好淡定咁爆左句：”哦～～～呢句(對白)其實係好簡單嘅啫～～～” 引得全城大笑，痞喺度攞住反光板同收音大叔仲笑到跌咗落地下。又有一次，有個shot做左幾次其實已經收貨，導演有少少貪心想叫佢做多次，佢即刻大叫：”我真係好熱喇⋯⋯” 結果導演加全城工作人員即刻收皮話：”啊！好啦好啦！其實有㗎喇！”個場面有如公主一聲令下成班公公退下咁款。」
Lucy 媽坦言每次拍攝前都有無形的壓力，怕Lucy 會扭計唔合作呀。慶幸，每一次Lucy 的表現都超乎想像，而她的童言童語更為現場注入不少輕鬆的氣氛。蔣家旻則留言表示︰「爆得意啊佢！佢嘅得意鄉音我完全聽唔明，要睇字幕。李老豆可以正式退休﹗」
Lucy媽坦言每一次Lucy 的表現都超額完成。
Lucy的童言童語更為拍攝現場注入不少輕鬆的氣氛。
ADVERTISEMENT
送健之堂舒壓好眠足湯 x 石墨烯足浴袋
