陳家樂親證向連詩雅求婚成功︰我哋訂婚啦！

陳家樂與連詩雅傳足2年緋聞，今日終於有好消息！近日有指家樂求婚成功，與連詩雅拉埋天窗。家樂回覆查詢時，大方承認二人已經訂婚。他說︰「多謝大家關心！我哋訂婚啦！收到好多朋友嘅祝福，好感恩！但係結婚日子未有確實嘅計劃，因為我哋大家手頭上仍然有好多工作要專注完成先，結婚嘅計劃同籌備都需要好多精神同時間，所以暫時先放下，遲啲有好消息一定同大家分享！」