呢幾年廣東歌多咗人關注，TVB直情搞個《聲生不息》向內地輸出廣東歌。而家HK-Pop勁到連外地朋友都識？
周慧敏(Vivian)尋晚share咗條片，片中有5位黑人哥仔，起初只係伴住Vivian嘅《自作多情》un un下，點知……佢地真係唱！唔少fans都大讚好笑，連模仿陶大宇唱《倒轉地球》嘅ERROR成員保錡都留言話「想學」。亦有人報料，一向都有人喺內地拍賣網出售「代言」「代唱」服務，搵外地朋友講祝賀說話甚至唱歌都得，所費無幾。
原來《自作多情》呢首歌都推出咗近30年，早排參加《聲生不息》嘅內地歌手安崎都有翻唱，唔知係咪咁，引發Vivian歌迷搵「朋友」跳唱？
ADVERTISEMENT
至抵會員價，名額有限，請火速訂位！
