1997年亞姐冠軍韓君婷，日前被網上節目拍檔梁思浩爆料，指佢會返英國。唔少人都以為英國籍嘅韓君婷係跟隨移民潮返家鄉生活，而佢尋日就喺節目親自澄清返英原因。
韓君婷話佢喺英國獨自生活嘅「鬼佬老豆」年事已高，近排君婷得知阿爸眼朦又行動不便，於是決定向思浩請假返老家探阿爸，如果阿爸情況冇問題就會返香港。韓君婷仲話相信自己處理得到，叫大家唔使擔心。
而喺節目入面，韓君婷提到更多返鄉原因，原來「鬼佬老豆」喺疫情爆發2年半以來，都冇出過門口，仲講大話呃君婷有出去覆診，打疫苗都係好在英國有上門注射服務。君婷覺得老人家好少開口講自己情況，於是同節目主創梁思浩立即交代，思浩仲叫佢即刻買機票走。而家韓君婷向節目請定2個月假。
