寰亞唱片在《叱咤樂壇流行榜頒獎典禮》勇奪九個獎項成為大贏家，分開發展的C AllStar成員陳健安 (On 仔) 及釗鋒，亦各自獲得歌曲獎項。On 仔除了憑住歌曲《一吻穿越四十六億歲》名列叱咤十大第9位，更獲唱作人金獎，而釗鋒的《28天》獲叱咤十大第8位。
On 仔聽到好兄弟釗峰獲獎時，已經激動不已，而自己得知作品位列叱咤十大第9位後，眼淚隨即湧了出來。當他獲頒唱作人金獎，On 仔哭着說：「我講唔到嘢！我一直覺得自己係果啲攞亞軍嘅人，但今次我攞 A，好似發緊夢，感覺好正。要好多謝幾位好兄弟，記得單飛後有晚一齊飲嘢，有個兄弟搭住我膊頭話，你寫啲歌得㗎，你一定要上台呀，當時我答唔到佢，而家我可以喺呢度多謝佢。特別要多謝歌迷，大家一陣可以傳送你哋嘅尖叫聲俾我。最後，我熱愛香港，熱愛生命，希望我可以排除任何恐懼，繼續自由創作，堅持，加油。」
同公司的鄧小巧、 黃淑蔓及Nowhere Boys亦因為得獎而眼濕濕。Nowhere Boys主音 Van 忍着淚說：「之前五年都係在台下做觀眾，當時諗可能要等到成立十週年至攞到奬。當然要特別多謝我太太 Wendy 客串演出呢首歌 MV，可能因為佢我哋得奬。」
ADVERTISEMENT
【👇送3M靜電空氣濾網體驗包4包👇】
