現年44歲的梁競徽（前名梁烈唯）近年專注內地發展。
現年44歲嘅梁競徽（前名梁烈唯）近年專注內地發展，雖然好少參與香港劇集及電影嘅拍攝工作，但佢不時更新內地社交網站同網民互動及直播帶貨，Keep住曝光率；同時佢喺前年開始投資名錶店及車行等等，荷包腫脹。撈得風生水起嘅梁競徽近日喺小紅書大曬新入手嘅勞力士（Rolex）手錶，有網民發現該手錶炒價達到70萬港元。
近日梁競徽喺小紅書大曬自己新入手嘅Rolex名貴手錶，並留言話：「#想記錄下此刻 白金隕石面地通拿，在停產一刻，立即入手！值得記錄一下！#勞力士 #白金地通拿 #隕石面」，結果吸引唔少網民大讚好型及好睇。另外，有網民發現佢呢隻新錶價值不菲，由於物料稀有性高及隕石面有獨一無二嘅紋理，所以受到唔少愛錶之人喜愛，而官網售價係341,000港元，不過炒價已經達到70萬港元。
原文刊登於 Yahoo 娛樂圈
ADVERTISEMENT
【開APP領取】免費換領麥當勞叔叔之家利是封及揮春
