忙！都要食飯㗎！

年近歲晚，日唞完成案頭工作返到屋企，唔大掃除都要小掃除！但記住咪餓親個肚，今日精選幾個外賣限定優惠比大家，撳幾個掣就有得食，就算年貨都可以送到府上，印印腳慳返不少腳骨力！
文│Winki

外賣都嘆到靚扒
法式扒房La Vache!首次以其招牌肉眼牛扒創作法式牛扒三文治，同時提供貼心的外賣服務，以6吋法式長棍麵包夾上La Vache!精心烤製的10安士美國USDA Prime肉眼牛扒，同時奉上自家製白醬汁及香脆炸薯條，即日起至31日於Black Sheep Restaurants的外賣應用程式GO獨家供應。$118

食乜提升運氣「搵食」攻略
Uber Eats外送服務今年請到玄學家潘栢炫師傅出場，推出「新春美食通勝」，教大家以食物顏色或菜式提高運勢催吉避凶，如屬鼠的朋友本命年犯太歲，較易躁動不安，辛辣燥熱可免則免，師傅教路宜吃得清淡多喝湯水，屬鼠的你可對號入座，幫襯老火靚湯或燉湯更有利健康運；羊仔羊女來年有「龍德」、「紫微」、「玉堂」等吉星拱照，可以主動出擊追尋理想，紅色食物就最旺肖羊的財運。由即日起至 1 月 31 日，叫滿港幣$168 Uber Eats 美食，輸入優惠碼「CNY20」即享港幣 $38優惠。

https://www.uber.com/zh-HK/blog/uber-eats-feng-shui-of-food/

印印腳訂全盒
招呼朋友少不了一個盤滿缽滿的全盒，戶戶送就推出六角形全盒，以招牌冰藍綠色印上吉祥喜慶圖案，精選多款懷舊糖果及朱古力等，將即日至24日在戶戶送的應用程式內有售。
$150│https://deliveroo.hk/

少爺啤新春限定「嗌我啤酒」
精釀本地品牌「少爺」啤以「桔」推出獨家配方新春限定「嗌我啤酒」福袋，全新口味「大吉大利」啤，濃郁麥味中混入淡雅橘果香，包裝亦充滿懷舊喜慶特色。福袋由即日起至2月7日於pandamart獨家限量發售，包括「少爺」聯乘foodpanda限定版「嗌我啤酒」大吉大利啤酒2罐及foodpanda $38優惠券乙張。$58│https://www.foodpanda.hk/