苑瓊丹教你化解赤口用XX旁身萬事大吉

苑瓊丹日前為香港開電視《開工大吉77》拍攝短劇，預演年初三「赤口」對應方法，直言一封利是就可以化解所有怨氣。她說︰「大家想年初三唔好犯赤口, 最好就帶多幾封利是傍身，大家喜氣洋洋就咩劫都化到啦！」

苑仔在短劇中示範藝人拜年常見的情況，如被拜托幫手買演唱會飛、追問八卦新聞內情等等：「買飛就不時遇到，但講真啊，你當我係主辦單位多多都有咩，有時幫手買張飛要左撲右撲架！而八卦新聞內情就更加唔會講，扮咩都唔知，事關親戚當中是旦一個係大喇叭，我就慘啦！所以藝人朋友跟我學番一招半式，睇吓點樣耍走班親戚，咁咪大家都開開心囉！」

苑仔自認係大忙人，過年細節全權交給老公負責：「我唔理呢啲嘢架，由換錢、封利是,咩都係佢做晒，所以我永遠唔知道自己派咗幾多利是出去、仲有幾多利是剩，我呼籲大家想逗我封利是，就去我屋企搵我老公啦！」