69歲嘅八両金（原名：葉競生）憑冬菇頭、騎呢風格及周身粗金鏈嘅造型深入民心，當年憑周星馳電影《食神》飾演鵝頭手下試食「爆漿瀨尿牛丸」爆紅，更曾自封「香港最醜男人」。
葉小霆外貌引起熱議
八両金自1999年太太何顓彤離佢而去後，一直與兒子「八両仔」葉小霆相依為命，就連去登台都會帶住囝囝；不經不覺間，葉小霆今年已經28歲，日前兩父子出席友人聚會時被拍下片段擺上社交平台，小霆嘅外貌就引起熱議。
與向佐蕭敬騰撞樣
葉小霆試過將頭髮染成金色和綠色髮色，曾被唔少網民笑佢似Michael Jackson（米高積遜）。從影片中睇到，小霆現已「反璞歸真」，將髮色還原黑色；隨著年齡增長，外貌愈引人矚目，五官深邃立體加上濃眉大眼，被指與華強兒子向佐、蕭敬騰及內地作家郭敬明撞樣。另外，當席上賓客向二人敬酒時，葉小霆都笑容滿臉未有拒絕，飲完紅酒之後，又繼續舉杯並向對方抱拳致敬意，相當有禮貌，網民亦將呢個舉動看在眼內，激讚葉小霆好家教。
原文刊登於 Yahoo 娛樂圈
ADVERTISEMENT
【開APP領取】免費換領麥當勞叔叔之家利是封及揮春
