龔嘉欣內地拍劇不忘做生意食店短短數月開第三間分店

龔嘉欣、黎諾懿昨晚（16日）現身尖沙咀為他們有份投資的食店進行開幕儀式，嘉欣的緋聞男友日籍烘培大師松岡哲也，和黎諾懿太太李潔瑩亦有出席。

對於食店短短數月已開第三間分店，龔嘉欣透露下月會再開兩間分店，而正身在內地為主演新劇《企業強人》開工的龔嘉欣，專誠由內地返港擔任開幕嘉賓，她說：「好感激我嘅生意團隊，因為團隊知我下半年要返內地拍劇，佢哋好好，幫我睇住間舖，我透過電話同佢哋聯繫，了解生產、營運等，有佢哋先可以咁順暢搞掂。」做生意跟拍劇，龔嘉欣認為相輔相成，特別在《企業強人》中，她飾演由一個小小的快遞員最後成為女強人，角色令她有投入感，她表示：「做生意嘅範疇，我係初哥，好多都係學習階段，而拍劇係我喜歡的工作，覺得兩者絕對可兼並，而且可以互相幫助。」